Գերմանիայի արտաքին գործերի նախարար Հայկո Մաասը հայտարարել է, որ Եվրոպան, այդ թվում Գերմանիան, ի վիճակի չեն արդյունավետ պաշտպանվել առանց Միացյալ Նահանգների, հաղորդում է Der Spiegel-ը:
Նա կարծում է, որ արտաքին քաղաքականություն և անվտանգության քաղաքականություն վարելն, առանց ԱՄՆ-ի հետ համագործակցության, անպատասխանատու և վտանգավոր քայլ կլինի:
Մաասը նաև համոզմունք է հայտնել, որ Եվրոպան դեռ երկար տարիներ կունենա ՆԱՏՕ-ի կարիքը:
Նրա կարծիքով, Հյուսիսատլանտյան դաշինքը «խորհրդանշում է ծանրաբեռնվածության բաշխումը, միջազգային համագործակցությունը, մուլտիլատերալիզմը (բազմակողմանիությունը)»:
Դրանից առաջ Ֆրանսիայի նախագահ Էմանուել Մակրոնը նշել էր, որ Միացյալ Նահանգների և Հյուսիսատլանտյան դաշինքի դաշնակիցների միջև ռազմավարական որոշումների վերաբերյալ համակարգումը լիովին բացակայում է: