Կալիֆոռնիայում անտառային հրդեհների պատճառով ստիպված են եղել տարհանել Warner Brothers կինոստուդիան Լոս Անջելեսից հյուսիս-արևելք: Այս մասին հաղորդում է Los Angeles Times-ը:
Ստուդիայի տարածքում ոչինչ չի այրվում՝ տարհանումն իրականացրել են որպես նախազգուշական միջոցառում: Հաղորդվում է, որ այնտեղ կառույցներին ոչինչ չի սպառնում:
Կինոստուդիային մերձ Կալիֆոռնիայի անտառների հրդեհների մարման աշխատանքներին մասնակցել են հրդեհային պաշտպանության ծառայության 230 աշխատակիցներ: Նրանցից մեկը տուժել է և տեղափոխվել հիվանդանոց:
Հրդեհային պաշտպանության ծառայության վերջին տվյալներով՝ անտառային հրդեհներ են գրանցվել Warner Brothers ստուդիայի և Universal Studios ատրակցիոն պարկի, ինչպես նաև Գրիֆիթ պարկի շրջանում: