Ֆիզիկական կուլտուրայի և սպորտի հայկական պետական ինստիտուտի մարզադահլիճում նոյեմբերի 7-ին ավարտվել են ՀՀ կրթության, գիտության, մշակույթի և սպորտի նախարարության կազմակերպած հանրապետական ուսանողական մարզական խաղերի ուժային եռամարտի մրցումները: Այս մասին հայտնեցին ՀՀ կրթության, գիտության, մշակույթի և սպորտի նախարարությունից:
Հայաստանի պաուերլիֆտինգի ֆեդերացիայի աջակցությամբ անցկացված մրցումներին մասնակցել են 8 բուհերի ուսանողներ, տղաները մրցել են 6, իսկ աղջիկները՝ 4 քաշային կարգերում:
Տղաների մրցապայքարում ըստ քաշային կարգերի հաղթել .
52 կգ – Վահան Բուդաղյան (ՀԱՊՀ)
60 կգ – Ալբերտ Դատիկյան (ՀԱՊՀ)
67,5 կգ – Ռադիկ Ավդալյան (ՀՖԿՍՊԻ)
75 կգ – Մհեր Սահակյան (ՀՌՀ)
82,5 կգ – Վարդան Մանուկյան (ՀՖԿՍՊԻ)
+82,5 – Գրիգոր Հարությունյան (ՀՖԿՍՊԻ)
Աղջիկների պայքարում 48 կգ քաշային կարգում հաղթել է Սոֆիա Ալեքսանյանը (ՀԱՊՀ), 56 կգ քաշային կարգում՝ Ասթինե Պողոսյանը (ՀԱՊՀ), 67,5 կգ քաշային կարգում՝ Մելսիդա Մելքոնյանը (ՀԱՊՀ) և +67,5 կգ քաշային կարգում՝ Հռիփսիմե Պետրոսյանը (ԵՊՀ):
Մրցանակակիր ուսանողները ստացել են ՀՀ ԿԳՄՍ նախարարության հավաստագրեր, գավաթներ և մեդալներ:
