ԱՄՆ պետքարտուղար Մայք Փոմպեոն հայտարարել է, որ վերջերս միջուկային ոլորտում Իրանի կողմից «էսկալացիան» անհանգստություն է առաջացնում, որը պետք է բոլոր երկրներին ոտքի հանի՝ ուժեղացնելու ճնշումն այդ երկրի վրա: Այդ մասին, ինչպես տեղեկացնում է RIA Novosti-ն, հայտնել է Պետդեպարտամենտը:
«Եկել է ժամանակը, որ բոլոր երկրները մերժեն միջուկային բնագավառում այդ ռեժիմի շորթողականությունը և լուրջ միջոցներ ձեռնարկեն ճնշումն ուժեղացնելու ուղղությամբ: Իրանի բազմաթիվ և չդադարող «միջուկային սադրանքները» պահանջում են նման գործողությունների ընդունումը»,-գերատեսչությունը մեջբերում է Փոմպեոյի խոսքը:
Լույս նոյեմբերի 7-ի գիշերը Իրանն սկսել է ուրանի հարստացումը Ֆորդո օբյեկտում, որտեղ տեղակայված են 1044 ցենտրիֆուգներ, և մտադիր է նոյեմբերի 9-ին հարստացնել ուրանը մինչեւ 4,5 տոկոս: