Լուրեր
Հայկական ֆուտբոլում տեղի ունեցածին տրվելու է իրավական գնահատական
  • 18:45
  • 2019-11-07
  • Դիտումներ՝ *

ՀՖՖ նախագահ Արթուր Վանեցյանի կողմից Աբրահամ Խաշմանյանը նշանակվել է Հայաստանի ազգային հավաքականի գլխավոր մարզիչ։ Առաջին հայացքից ամեն բան տրամաբանության սահմանում է, սակայն կա մի բայց, որը պայմանավորված է կառույցի կանոնադրության 39-րդ հոդվածի կետերից մեկով։

Ի՞նչ է սահմանում հոդվածի համապատասխան կետը և ինչո՞ւ է այն հիշատակվում․ «Առաջին լրատվական»-ի հարցին ՀՖՖ Ներքին աուդիտի և համապատասխանության կոմիտեի նախագահ Մեսրոպ Առաքելյանը պատասխանեց․ «Այդ հոդվածը սահմանում է ֆեդերացիայի գործադիր կոմիտեի իրավասությունները, որտեղ նշված է, որ բոլոր տարիքային խմբերի հավաքականների մարզիչներին նշանակում է գործադիր կոմիտեն, և կանոնադրությամբ ֆեդերացիայի նախագահին վերապահված լիազորությունների մեջ նման կետ չկա։ Այդ տեսանկյունից, գործադիր կոմիտեի կողմից կա բացառիկ իրավասություն՝ նշանակել Հայաստանի ազգային հավաքականի գլխավոր մարզիչ»։

Այսինքն՝ Արթուր Վանեցյանն իրավասու չէր Հայաստանի ազգային հավաքականի գլխավոր մարզիչ նշանակել։ Ձեզ համար պա՞րզ է, թե ինչու է նշանակել․ «Առաջին լրատվական»-ի հարցին Մեսրոպ Առաքելյանը պատասխանեց․ «Անկեղծ ասած՝ ճիշտ կլինի, որ Արթուր Վանեցյանն ինքը մեկնաբանի իր որոշումը։ Բայց, առաջ անցնելով, ասեմ՝ ես ենթադրում եմ, որ այստեղ հնարավոր է այն փաստը, որ այս տարվա հունիսին ընդունվել է նոր կանոնադրություն, որը դեռ ուժի մեջ չի մտել, քանի որ չունի պետական գրանցում։ Այնպես որ, այս պահին գործում է հին կանոնադրությունը, համաձայն որի՝ Հայաստանի ազգային հավաքականի գլխավոր մարզիչը պետք է նշանակվի ՀՖՖ գործադիր կոմիտեի կողմից, ինչը եղել է նախկին բոլոր մարզիչների դեպքում։ Հայաստանի ազգային հավաքականի նախկին գլխավոր մարզիչ Արմեն Գյուլբուդաղյանցը նույնպես նշանակվել էր ՀՖՖ գործադիր կոմիտեի կողմից»։

 

 

Մանրամասները՝ տեսանյութում։

  • Դիտումներ՝ *