ԱՄՆ առաջնորդ Դոնալդ Թրամփը հայտարարել է, որ 2020-ի նախագահական ընտրություններում Դեմոկրատական կուսակցության թեկնածուի հաղթանակի դեպքում ԱՄՆ-ին տնտեսական ընկճախտ է սպասվում, հաղորդում է «ՌԻԱ Նովոստի»-ն։
«Ամերիկան վերաձևելու իրենց ձգտման հարցում դեմոկրատներն ավելի տոտալիտար են դառնում»,-ասել է նա։
ԱՄՆ նախագահը հստակեցրել է, որ դեմոկրատները զբաղվում են դժգոհներին ճնշելով, անմեղներին զրպարտելով, իրավաբանական ստանդարտները ոչնչացնելով։
Թրամփը դեմոկրատներին նաև մեղադրել է «սոցիալիստական օրակարգը» պարտադրելու փորձի համար։
«Եթե դեմոկրատները վերադառնան, ձեզ մոտ ընկճախտ կսկսվի, որը երբեք ոչ ոք չի տեսել»,-հավելել է նա։