Ամստերդամի Շիփհոլի օդանավակայանում ինքնաթիռներից մեկում արտակարգ դեպք է տեղի ունեցել, հաղորդել է օդանավակայանի մամուլի ծառայությունը Twitter-ում: Տեղական լրատվամիջոցները հղում անելով անվտանգության ծառայության աղբյուրներին՝ հաղորդել են օդանավի առևանգման փորձի մասին: Ինչպես ավելի ուշ հայտարարել է Նիդեռլանդների ռազմական ոստիկանությունը, ուղևորներն ու անձնակազմն ապահով կերպով լքել են ինքնաթիռը: Տեղի ունեցածի պատճառները պարզվում են:
Ինքնաթիռի օդաչուն պատահաբար է սեմել տագնապի ազդանշանը, հայտարարել են Air Europa ավիաընկերությունում: «Ամստերդամ-Մադրիդ չվերթի ժամանակ պատահականորեն միացել է տագնապի ազդանշանը»,- ասել են նրանք, մեջբերում է Reuters-ը:
UX1094 AirEuropa չվերթի ինքնաթիռը պետք է Ամստերդամից Մադրիդ թռչեր: Ըստ Նիդեռլանդների հեռարձակող կորպորացիայի, ուղևորների ինքնաթիռ մտնելու ժամանակ օդաչուն սեղմել է տագնապի ազդանշանային կոճակը, ինչը վկայում է ինքնաթիռի առևանգման փորձի մասին: Այդ պահին ինքնաթիռի ներսում արդեն 27 մարդ է եղել: Օդանավակայան են ժամանել հատուկ նշանակության ուժերը և ոստիկանությունը: D տերմինալն ամբողջությամբ փակվել է:
Ըստ Amsterdam Schiphol պարբերականի, բոլոր չվերթները հետաձգվել են, օդանավակայանում խուճապ չկա:
https://twitter.com/TheBelaaz/status/1192157434749628417?ref_src=twsrc%5Etfw%7Ctwcamp%5Etweetembed&ref_url=https%3A%2F%2Ftwitter.com%2Fthebelaaz%2Fstatus%2F1192157434749628417
