Փաստաբան Սերգեյ Ժորինը, որը ներկայացնում է Եվգենի Պետրոսյանի շահերը նախկին կնոջ՝ Ելենա Ստեպանենկոյի հետ համատեղ գույքի բաժանման գործընթացում, խոսել է այդ հարցի հետ կապված ստեղծված իրավիճակի մասին: Փաստաբանի հետ հարցազրույցը հրապարակվել է «Կոմսոմոլսկայա պրավդա»-ում:
Ժորինի խոսքերով, իր պաշտպանյալի նախկին կինը հավակնում է ամուսնության ընթացքում ձեռք բերված ամբողջ անշարժ գույքին, բացառությամբ մեկ բնակարանի Զաչատևսկու նրբանցքում, որի արժեքը փաստաբանը գնահատել է մոտավորապես 369 միլիոն ռուբլի: Ներկա պահին Ստեպանենկոն բնակվում է այդ բնակարանում:
Փաստաբանի խոսքերով, նա ստանձնել է բնակարանի կոմունալ վարձերի վճարումը, սակայն միայն մասամբ է դա անում: «Լույսի, գազի, ջրի համար, որպեսզի չանջատեն: Իսկ հիմնանորոգման համար՝ ոչ»,- ասել է Ժորինը:
Ինչպես ընդգծել է փաստաբանը, Պետրոսյանի և Ստեպանենկոյի ունեցվածքի գնահատումը, որը նրանք պետք է բաժանեն, ընթացքի մեջ է: Ժորինը նշել է, որ իր պաշտպանյալը ակնկալում է հավասարապես բաժանել գույքը, մինչդեռ նրա նախկին կինը պնդում է մեկ այլ տարբերակ: «Ըստ իմ հաշվարկների, (Ստեպանենկոն ակնկալում է ստանալ) մոտ 80 տոկոսը»,- ասել է փաստաբանը:
Եվգենի Պետրոսյանը և Ելենա Ստեպանենկոն ամուսնալուծվել են 2018-ի նոյեմբերին: Նրանք ամուսնացել են 1980-ականների կեսերին և ամուսնության տարիներին հաճախ են միասին հանդես եկել բեմում: