Լուրեր
Հակահեղափոխական ուժերը մի գծի վրա են. նրանց բոլորին միավորել է նույն դժբախտությունը
  • 21:40
  • 2019-11-06
  • Դիտումներ՝ *

Կրթության, գիտության, մշակույթի և սպորտի նախարարությունը «Բարձրագույն կրթության և գիտության մասին» նոր օրինագիծ է մշակել, ըստ որի՝ բուհերում

«Հայոց լեզու», «Հայ գրականություն» և «Հայոց պատմություն» առարկաները չեն լինելու պարտադիր ուսուցման առարկաներ։

ԵՊՀ հայ բանասիրության ֆակուլտետի ուսանողներն այսօր դասադուլ էին հայտարարել՝ բուհական ուսուցման ծրագրում այդ առարկաները ոչ պարտադիր դարձնելու օրինագծի պատճառով: Նրանց էին միացել նաև մի խումբ դասախոսներ: Անշուշտ, կա նաև քաղաքական որոշ շրջանակների հետաքրքրվածություն և միջամտություն այս բանավեճին:

Թեմայի շուրջ «Առաջին լրատվական»-ի հետ քննարկմանը մասնակցեցին «Իմ քայլը» խմբակցության պատգամավոր Վիկտոր Ենգիբարյանը, «Քաղաքացու որոշում» կուսակցության գերագույն մարմնի անդամ Գարեգին Միսկարյանը և կառավարման հարցերի փորձագետ Սերոբ Անտինյանը:

Անդրադառնալով դիտարկմանը, որ կառավարության քայլերը խոշորացույցի տակ են, Վիկտոր Ենգիբարյանը նշեց. «Դա շատ լավ է, իրական ընդդիմությունը պետք է ցույց տա կառավարող ուժի թերացումները, այլ տեսակետներ հայտնի, որպեսզի կառավարող ուժը կարողանա ավելի արդյունավետ կառավարել: «Իրականում կան մանիպուլյատիվ խնդիրներ. մինչև այժմ պարտադրվել է, որ բոլոր բուհերում այդ առարկաները լինեն պարտադիր, այժմ կա նախնական մտադրություն, որ բուհը հնարավորություն ունենա ինքը որոշել այդ առարկաները դասավանդել, թե ոչ: Իհարկե բանասիրկան ֆակուլտետի ուսանողների պարագայում այլ է: Նույնիսկ զավեշտալի է, որ բուհում պետք է մայրենի լեզուն սովորեն. մեր դպրոցի աշակերտը պետք է վարժ և անթերի տիրապետի հայոց լեզվին»:

Սերոբ Անտինյանը նկատեց, որ հայ բանասիության ֆակուլտետի դասախոսները և նաև ուսանողները, որոնց մի մասը ապագա դասախոս պետք է լիներ, մնալու են անգործ, երբ որ տարբեր ֆակուլտետներում այլևս չդասավանդվի «Հայոց լեզու և գրականություն» առարկան: «Խնդիրը ռազմավարական է, խնդրին պետք է մոտենալ հայեցակարգային. Ի՞նչ ենք ուզում կրթությունից, բարձրագույն կրթությունից և բուհերից»: Կառավարման փորձագետի դիտարկմամբ՝ իրականացվում է ինչ-որ բարեփոխում՝ դարձյալ չհետևելով բարեփոխումների մեթոդաբանությանը: Պետք է կառուցվածքային բարեփոխումները հաջորդեն կառուցվածքային բարեփոխումներին, սակայն մենք միանգամից անցնում ենք երկրորդ փուլին»:

Գարեգին Միսկարյանն ընդգծեց, որ բուհերից «Հայոց լեզու» առարկան հանելու մասին խոսք չի կարող լինել. «Կա մասնագիտական տերմինաբանություն, որը դպրոցում չեն ացնում: Բայց պետությունը չի կարող պարտադրել, որ դպրոցի նույն ծրագիրը պարտադրվի նաև բուհում: Ոչ պարտադիր լինելը չի արգելում, որ բուհում այդ առարկաները դասավանդվեն: Այս հարցը շահարկվում է քաղաքական դաշտում մանիպուլյացիաների առիթ է դիվիդենտներ շահելու համար»:

Քննարկման մասնակիցների դիտարկմամբ՝ պետությունը կրթական համակարգում պետք է առաջնահերթություններ սահմանի:

 

Մանրամասն՝ տեսանյութում:

  • Դիտումներ՝ *