Ֆուտբոլի Հայաստանի ազգային հավաքականը չի գլխավորի Ալեքսանդր Գրիգորյանը: Երեկ տեղեկացրել էինք, որ ՀՖՖ-ի նախագահ Արթուր Վանեցյանը մտադիր է Գրիգորյանին նշանակել մեր գլխավոր թիմի ղեկին:
Եվ ահա, կանանց ֆուտբոլային ակումբներում հաջողության հասած մասնագետի թեկնածությունը բուռն արձագանք է ստացել ոչ միայն երկրպագուների այլև Վանեցյանի մերձավորների շրջանում: Գրիգորյանի թեկնածությանը դեմ են արտահայտվել նաև ՀՖՖ-ի այլ մասնագետներն այդ թվում նաև տեխնիկական տնօրեն Խինես Մելենդեսը:
«Առաջին լրատվական»-ի տեղեկություններով ՀՖՖ-ի նախագահը վերջին պահին ետ է կանգնել Գրիգորյանին նշանակելու մտքից: Այս պահին ակտիվ բանակցութուններ են ընթանում այլ մասնագետների հետ: Մեզ հայտնի դարձավ նաև, որ ՀՖՖ-ն դիտարկում է նաև Աբրահամ Խաշմանյանի թեկնածությունը և հավանական է, որ հենց նա նշանակվի ՀՀ ազգային հավաքականի գլխավոր մարզիչ: