Վրաստանի նախկին նախագահ Միխեիլ Սաակաշվիլին կարծում է, որ Ուկրաինան պետք է ընդդիմանա Ռուսաստանի ագրեսիային, այլապես կկորցնի իր պետականությունը:
Այս մասին նա ապրիլի 14-ին գրել է Facebook-ի իր էջում:
«Եթե հաջորդ օրերին չսկսվի իսկական դիմակայությունը ագրեսիային, Ուկրաինան ոչ միայն կկորցնի տնտեսական հզորության 40%-ը՝ արտադրական արևելքի տեսքով, այլև արդեն իրապես կկանգնի պետականության կորստի ընդհանուր հեռանկարի վտանգի առաջ»,- գրել է Սաակաշվիլին:
Նա նշել է, որ գրավելով Ղրիմը՝ Ռուսաստանը թերթաքարային գազի և զբոսաշրջային ներուժի տեսքով վերցրել է Ուկրաինայի տնտեսական հեռանկարի մեկ քառորդը:
«Ուկրաինան մահացու վտանգի մեջ է, և նրա բոլոր հայրենասերները պետք է անհապաղ գործեն»,- կոչ է արել Սաակաշվիլին:
