ԱՄՆ-ն Իրանի կողմից ուրանի հարստացման համար նոր ցենտրիֆուգների գործարկումը համարում Է միջուկային շանտաժ եւ փորձ՝ ստիպելու Գործողությունների համատեղ համապարփակ ծրագրի (ԳՀՀԾ) եվրոպական մասնակիցներին՝ գնալ զիջումների: Այդ մասին բրիֆինգի ընթացքում լրագրողներին հայտարարել Է ամերիկյան վարչակազմի բարձրաստիճան ներկայացուցիչը:
«Դա միջուկային շանտաժի շարունակումն Է: Իրանը փորձում Է համաձայնագրի եվրոպական մասնակիցներին ստիպել գնալու զիջումների»,- ասել Է պաշտոնյան: Վարչակազմի մեկ այլ ներկայացուցիչ պնդել Է, որ Իրանը հիմքեր չունի շարունակելու ուրանի հարստացման ծրագիրը: «Դա ոչ ճիշտ ուղղությամբ արված քայլ Է, ինչն ընդգծում Է իրանական ռեժիմի կողմից շարունակվող վտանգը խաղաղության ու անվտանգության համար»,- ասել Է նա:
Իրանի ատոմային Էներգիայի կազմակերպության ղեկավար Ալի Աքբար Սալեհին նոյեմբերի 4-ին հայտնել Է, որ Իրանը 30 նոր ցենտրիֆուգ Է գործարկել ուրանի հարստացման համար եւ իր ձեռնարկություններում զգալիորեն ավելացրել Է ցածրհարստացված ուրանի արտադրությունը: Նրա խոսքով՝ Թեհրանը «ձեռնամուխ Է եղել կատարելագործված 30 նոր ցենտրիֆուգների գործարկմանը ուրանի հարստացման համար»:
Սալեհին հավելել Է, որ վերջին երկու ամսվա ընթացքում երկրում ցածրհարստացված ուրանի արտադրությունն ավելացել Է տասն անգամ: «Մենք չԷինք պատրաստվում նման քայլեր ձեռնարկել, բայց Թեհրանի նկատմամբ Վաշինգտոնի սխալ քաղաքականությունը մեզ ստիպեց անել դա»,-նշել Է Իրանի ատոմային Էներգիայի կազմակերպության ղեկավարը, հաղորդել Է ՏԱՍՍ-ը: