Իրազեկիչը, որը հայտնել Է ԱՄՆ-ի նախագահ Դոնալդ Թրամփի և նրա ուկրաինացի պաշտոնակից Վլադիմիր Զելենսկու հեռախոսազրույցի մասին, ինչն առիթ Է դարձել պաշտոնազրկման ընթացակարգ սկսելու համար, համաձայնել Է գրավոր ձևով պատասխանել հանրապետական կոնգրեսականների հարցերին: Այդ մասին հայտարարել Է նրա փաստաբան Մարկ Զայիդը: Ինչպես հաղորդել Է Associated Press գործակալությունը, այդ անսպասելի առաջարկությունն արվել Է Կոնգրեսի Ներկայացուցիչների պալատի հետախուզության կոմիետում գլխավոր հանրապետական Դևին Նունիեսին: Այն հանրապետականներին թույլ կտա ուղղակիորեն հարցեր տալ իրազեկչին: Փաստաբանն իր թվիթերում գրել Է, որ իրազեկիչն անմիջականորեն Հանրապետական կուսակցության անդամների հարցերին կպատասխանի «գրավոր ձևով՝ երդում տալով և սուտ վկայության համար պատժով»: Միեւնույն ժամանակ իրավաբանը նշել Է, որ հարցերին, որոնք կարող են բացահայտել իրազեկչի ինքնությունը, ինչին ձգտում են հասնել Թրամփը և հանրապետականները, պատասխաններ չեն հետևի, հաղորդել Է «Ինտերֆաքսը»:
