ՀՀ վարչապետ Նիկոլ Փաշինյանն իր ֆեյսբուքյան էջում գրել է․
«2019թ. հունվար-սեպտեմբեր ամիսներին 1000 խոշորագույն հարկատուների կողմից պետական բյուջե վճարված հարկերի ընդհանուր մեծությունը կազմել է շուրջ 765 մլրդ դրամ, ինչը 13.5%-ով ավելին է նախորդ տարվա համապատասխան ցուցանիշից:
2019թ. առաջին 9 ամիսներին, նախորդ երկու տարիների նույն ժամանակահատվածի համեմատությամբ, աճել է նաև 10, 50 և 100 խոշորագույն հարկատուների կողմից պետական բյուջե վճարված հարկերի ընդհանուր մեծությունը:
Այսպես, 2019-ի հունվար-սեպտեմբեր ժամանակահատվածում 10 խոշորագույն հարկատուները պետական բյուջե են վճարել մոտ 190 մլրդ դրամ հարկ, ինչը նախորդ տարվա համեմատությամբ ավելի է 21.5 մլրդ դրամով կամ 12.6%-ով: 100 խոշոր հարկատուները, 2018թ. համեմատ, վճարել են 50 մլրդ դրամով ավելի հարկ:
2019թ. հաշվետու ժամանակահատվածում 1000 խոշորագույն հարկատուների ցանկում ներառվելու համար պետք էր վճարել առնվազն 119 մլն դրամի հարկ, 2018-ին` 98 մլն դրամից մի փոքր ավելի, իսկ 2017-ին` դրա համար բավարար կլիներ ընդամենը 80 մլն դրամի չափով հարկային պարտավորության կատարումը»:
https://www.facebook.com/nikol.pashinyan/posts/2453754688278245?__xts__[0]=68.ARDHWExDffCi1mdT67PXM4UN8C-fhtFN_fxJVwLLz8CtsLnXwEen4gq3MjabLPsRP5brOPadmzXD6K1oMDGmyuPOF-mkc_BA-NZwrg0A-6QYPtC1L0s2aNsX6zZiTtmfeCre43xE9WedVmZoTMmHOQSWiXKGFql-jmpTZSYQojLnxQRILKMv1GuZnGT0TwkaVlu6GB7deYgE5f0SieJmXzGz2JIf0V9WrvdIUMvs7uk-KT43onQwXI0QQnJoVJido5UOucLviHi4Iftd7MdigTIRR4y7v719t7Xji2yp5eUiiQj6OlSUQpuJqKfSh82TLwfZ_DFPaKT7upE3L6G_BZUQ&__tn__=-R