Արքայազն Չարլզը հայտնվել է սկանդալի կենտրոնում: Պատճառն այն է, որ իր բարեգործական հիմնադրամում հայտնի նկարիչների կտավներ կան, որոնք կարող են կեղծված լինել: Այս մասին հաղորդում է Daily Mail-ը:
Հիմնադրամում Պիկասոյի, Մոնեի և Դալիի երեք նկարներ են պահվել՝ 136 միլիոն դոլար արժողությամբ:
Արվեստի գործերի հայտնի կեղծարար Թոնի Տետրոյի խոսքերով՝ ֆոնդի շտաբ-գրասենյակում է գտնվում իր ստեղծած՝ Կլոդ Մոնեի «Ջրաշուշաններ» նկարի կրկնօրինակը, այլ ոչ թե օրիգինալը: Խոսքը գնում է նաև Պիկասոյի և Դալիի ևս երկու նկարների մասին:
Նշվում է, որ կտավները հիմնադրամում են հայտնվել արվեստի 17 գործերի շարքում, որոնք հանձնել է սննկացած ձեռնարկատեր Ջեյմս Սթանթը: Տետրոն պնդում է, որ նա իր գնորդներից մեկն է: Նա նաև հավաստիացնում է, որ գործարարն իմացել է, որ որակյալ կրկնօրինակ է գնում:
Սթանթն իր հերթին հերքում է այս տեղեկատվությունը: Նա հայտարարել է, որ իր ունեցած կտավներից ոչ մեկը կրկնօրինակ չեն եղել:
