Թուրքիայի հինգ նահանգներում իրականացված օպերացիայի ընթացքում յոթ հոգի է ձերբակալվել, որոնք ենթադրաբար կապ ունեն ԻՊ ահաբեկչական կազմակերպության հետ: Այս մասին հաղորդում է Anadolu գործակալությունը՝ հղում անելով Թուրքիայի ՆԳՆ-ին:
Գործողություններն իրականացվել են նոյեմբերի 2-ին Օսմանիե, Ստամբուլ, Հազիանթեփ, Քիլիս և Բուրսա նահանգներում՝ թուրքական ոստիկանության մասնակցությամբ:
ՆԳՆ տվյալներով, ձերբակալվածնեից մեկը ԻՊ ռազմական վարժանքների ճամբարի պատասխանատուն է եղել, որտեղ ամեն տարի զինպատրաստություն էին անցնում 1500-2000 օտարերկրյա զինյալներ: Այս նույն զինյալը մասնակցել է նաև կազմակերպության համար միջոցների հավաքագրմանը:
Մյուս երկու ձերբակալվածները պատասխանատու են եղել վարժաճամբարների զենքի մատակարարման և նյութա-տեխնիկական ապահովման համար: