Ճարտարապետության և շինարարության Հայաստանի ազգային համալսարանը միակն է, որ պատրաստում է որակյալ կադրեր ճարտարապետության ու շինարարության ոլորտներում և հանրապետության մեծագույն և կարևոր ուսումնական հաստատություններից մեկն է: Արհեստավարժ ներուժը, արդիականացված ուսումնական գործընթացները համալսարանը դուրս են բերել նաև միջազգային հարթակ: Ուսանողների և դասախոսների փոխանակնումներ, անդամակցում միջազգային ծրագրերին, գիտաժողովներ, ցուցահանդեսներ, ակտիվ ուսանողական կյանք, սա համալսարանի սովորական առօրյան է:
Համալսարանի գործունեությունն արդեն որոշ ժամանակ է, գտնվում է ինֆորմացիոն պատերազմական հարձակումների ներքո: Դա կարելի է բնական երևույթ համարել, հաշվի առնելով, որ ավարտին է մոտենում ներկա ռեկտորի գործունեության ժամկետը և սպասվում են նոր ընտրություններ: Խոսքը վերաբերում է վերջին շրջանի՝ rector.am և buh.am կայքէջերի ակտիվ հրապարակումներին, որոնք նպատակաուղղված զրպարտում են համալսարանի ղեկավար կազմին, պրոֆեսորներին, աշխատակիցներին՝ ավելորդ լարվածություն մտցնելով համալսարանի կյանքում:
Վերոնշյալ կայքէջերը ենթադրում ենք, որ խմբագրվում են սեփական անունով հանդես չեկող Հովհաննես Թոքմաջյանի կողմից, քանի որ նախկինում եղել են հրապարակումներ, որտեղ հաստատվել է պարոն Թոքմաջյանի ընդգրկվածությունը կայքերից մեկի գործունեությունը համակարգող խորհրդի կազմում և այնտեղ հանդես եկող անձնավորությունները աֆիլացվում են նրա հետ: Հիշեցնենք, ով է Հովհաննես Թոքմաջյանը. նա եղել է համալսարանի նախկին ռեկտորը և հավակնոտ նախագիծ ուներ միավորելով ճարտարապետաշինարարական և ճարտարագիտական համալսարանները (առանց հաշվի նստելու երկու բուհերի կոլեկտիվների կարծիքի հետ), դառնալ միավորված խոշոր՝ Պոլիտեխնիկական համալսարանի նախագահ: Այդ նպատակով նա վերանվանեց ճարտարագիտական համալսարանը իր նախկին անվանումով՝ Պոլիտեխնիկ, սակայն անպատվաբեր սեքսուալ սկանդալը խառնեց նրա խաղաքարտերը:
Այս հոդվածի նպատակն է հանրությանը ներկայացնել պարոն Թոքմաջյանի գործունեության մեկ այլ ոլորտ: Նրա ռեկտոր եղած ժամանակաշրջանում մերձավորների մի ամբողջ բանակ հասցրեց թեկնածուական և դոկտորական ատենախոսություններ պաշտպանել:
Ներկայացնենք Թոքմաջյանի՝ 030, 055, 001 շիֆրերով գիտական խորհրդների նախագահ եղած 2006-2014թթ. Ժամանակահատվածում գիտական կոչումներ ստացած ամենամոտ ազգականների ցանկը:
Զարմանալիորեն պարոն Թոքմաջյանի ազգականները հենց նշված ժամանակահատվածում և մասնագիտություններով ունեցան գիտական մտքի բեղուն հաջողություններ:
Նույն սցենարով որդին՝ Վաչե Թոքմաջյանը 2015 թվականին՝ 27 տարեկան հասակում պաշտպանել է դոկտորական թեզը «Ջրամբարի օգտակար ծավալի մեծացման և ջրառ կառուցվածքների շահագործման արդյունավետության բարձրացման ինժեներական միջոցառումները» վերնագրով Ակադեմիկոս Եղիազարովի ինստիտուտում գործող խորհրդում, որը դարձյալ պարոն Թոքմաջյանն է ղեկավարել:
Սակայն, այսքանով նրա գիտական «հովանավորչությունը» չի սահմանափակվում: Պարոն Թոքմաջյանը համալսարանում ստեղծել էր գիտական հոդվածներ և թեզեր գրողների մի խումբ, որոնք պատվերով ծառայություններ էին մատուցում: Ներկայումս այդ խմբի անդամները բազմաթիվ մանր ծառայություններ են մատուցում Թոքմաջյանին՝ փորձելով խաթարել համալսարանի բնականոն գործունեությունը, բայց և շարունակելով աշխատել համալսարանում:
Այստեղ պետք է նշել որ Էքս ռեկտորի ղեկավարման տարիներին համալսարանում են աշխատել նրա որդին՝ որպես աշխատակազմի ղեկավար, որդու կնքահայրը՝ որպես կրթական բարեփոխումների դեպարտամենտի ղեկավար- պրոռեկտոր, դուստրը՝ որպես լրատվության վարչության պետ, փեսան՝ դեկան, հարսը՝ դասախոս, եղբայրը, որն ի դեպ լինելով համալսարանի Դիզայնի ամբիոնի դեկանը՝ հաջողությամբ դոկտորական թեզը պաշտպանել է <> թեմայով: Դժվար չէ գուշակել, թե ինչպիսի «լումա» է ունեցել գիտական ղեկավարը այս գործում, որն ի դեպ Թոքմաջյանի որդու կնքահայրն է:
Մենք այստեղ անրադարձանք միայն փոքր ընտանիքի անդամներին: Շարունակությունը կներկայացնենք հաջորդիվ:
Իհարկե պետք է նշել, որ տհաճ է քննարկման հանել համալսարանի ներքին խնդիրները, և ձեր ներողամտությունն ենք հայցում այս քննարկումների մեջ ներքաշելու համար, սակայն, քանի որ քննարկումներն պարբերաբար հանրայնացվում են ստիպված ենք մենք էլ մեր պարզաբանումներ տալ հանրությանը:
Անահիտ Կարագուլյան
Ճարտարապետության և շինարարության Հայաստանի ազգային համալսարանի Լրատվության և տպագրության վարչության պետ
