Լուրեր
Դատարանը իր որոշմամբ տվեց Նազենի Ղարիբյանի գործողությունների գնահատականը․ Կոնստանտին Օրբելյան

«Ինձ աշխատանքից ազատելուց առաջ Նազենի Ղարիբյանն անընդհատ փորձում էր ինձ համոզել, որ ինձ տնօրեն նշանակելն օրինական չի եղել, և որ աշխատանքից ազատման դիմում ներկայացնեմ… Դատարանն իր որոշմամբ մեկնաբանեց Նազենի Ղարիբյանի պնդումները»,- այս մասին «Առաջին լրատվական»-ի հետ զրույցում ասաց Ալեքսանդր Սպենդիարյանի անվան Օպերայի և բալետի ազգային ակադեմիական թատրոնի գեղարվեստական ղեկավար և տնօրեն, ՌԴ վաստակավոր արտիստ Կոնստանտին Օրբելյանը՝ անդրադառնալով դիտարկմանը, որ վերականգնվել է թատրոնի տնօրենի պաշտոնում։ Հիշեցնենք՝ այս տարվա մայիսին Կոնստանտին Օրբելյանը քաղաքացիական հայց էր ներկայացրել ՀՀ մշակույթի նախարարության և Օպերայի և բալետի ազգային ակադեմիական թատրոն ՊՈԱԿ-ի դեմ։ Նրա պահանջն էր՝ անվավեր ճանաչել մշակույթի նախարարի պաշտոնակատար Նազենի Ղարիբյանի մարտի 28-ի հրամանը, վերականգնել աշխատանքի և վճարել պարապուրդի գումարը։

Նախարարի որոշումից դժգոհ էր նաև օպերային թատրոնի անձնակազմը բողոքի ակցիաներ էր իրականացնել՝ պահանջելով վերականգնել Կ. Օրբելյանին թատրոնի տնօրենի պաշտոնում։

Կոստանտին Օրբելյանն «Առաջին լրատվական»-ի հետ զրույցում նշեց, որ Նազենի Ղարիբյանն անգամ դեմ է եղել «Գրեմմի 2018» հեղինակավոր երաժշտական մրցանակաբաշխությանը մասնակցելուն՝ ասելով՝ այլ հարց է, որ հաղթեք: «Իսկ ես ասացի՝ բայց ինչպե՞ս կարող եմ ես նախապես իմանալ հաղթելու եմ, թե ոչ, չէ՞ որ դա միջոցառման ընթացքում է պարզվում»,- նշեց Կ. Օրբելյանը՝ հավելելով, որ իր անձնական ֆինանսական միջոցներով է մասնակցել մրցույթին և անհասկանալի էր Ն. Ղարիբյանի դեմ լինելու հանգամանքը:

«Ես կցանկանայի, որ մեր Օպերայի և բալետի ազգային ակադեմիական թատրոնը «մեքքա»՝ սրբավայր լիներ աշխարհի բոլոր հայերի համար»,- նշեց մեր զրուցակիցը՝ խոսելով նաև այն ծրագրերի մասին, որոնք իրականացվելու են առաջիկայում:

Մանրամասն՝ տեսանյութում:

  • Դիտումներ՝ *