«Հայաստան-Արցախ տարանջատման, բաժանման հարցը, դիսկուրսը միտումնավոր է գցվել շրջանառության մեջ։ Դա կոնկրետ նպատակ է հետապնդւոմ՝ պաշտպանել իրենց դիրքը, ունեցվածքը։ Մարդիկ երևի անպայման ուզում են իրենք լինել վարչապետ, նախարար»,- «Առաջին լրատվական»-ի հետ զրույցում ասաց ազատամարտիկ Կորյուն Ասատրյանը։
Նրա խոսքով՝ այն անձինք, ովքեր Արցախի հարցը կրկին բերել են ներքաղաքական օրակարգ, շարունակում են քննարկել հողերը հանձնելու թեզը, նրանց դուր չի գալիս, որ Հայաստանում ժողովուրդը ընդվզել է, չի ցանկացել ընտրություն կեղծել, որի արդյունքում իշխանություն է ձևավորվել: «Նրանք չեն ուզում, որ հայոց երկրի այդ պուճախում էլ մաքուր ընտրություններ լինեն։ Արցախում կապիտալ կուտակած մարդիկ չեն ցանկանում անկեղծ, շիտակ խոսել ժողովրդի հետ, չեն ուզում հաշտվել նոր իրողությունների հետ»,- ասաց Ասատրյանը։
Մեր զրուցակցի խոսքով՝ ստեղծված վիճակը, քննարկումները ոչ մի վտանգ չեն պարունակում, քանի որ շատ շուտով եռացող ճաշի պես կրակը կմարի, ճաշի պտպտոցն էլ կմարի, ու մարդիկ հանգիստ կնստեն իրենց տեղերը և կվայելեն իրենց ֆազենդաները: «Իրական տղաները կռվեցին, ուրիշները դարձան ջիպավոր ու ֆազենդաների տեր։ Հանգիստ նստեք տեղներդ, իսկապես, միացումը, ճանաչումը հետո կլինի, հիմա դրա քաղաքական պահը չէ»,- ասաց Ստեփանյանը։
Առավել մանրամասն՝ տեսանյութում: