Դեպքից ավելի քան մեկ դար անց, հոկտեմբերի 29-ին ԱՄՆ ներկայացուցիչների տունը ձայների մեծամասնությամբ ճանաչեց մեկուկես միլիոն հայերի ցեղասպանությունը Օսմանյան կայսրությունում։Օրենսդիր մարմնի երկու ճամբարների հանրապետականների և դեմոկրատների հեղինակած թիվ 296 բանաձևն ընդունվեց 405 կողմ 11 դեմ ձայներով։ Պետք է նշեմ, որ այդ փաստաթուղթը օրենքի պարտադիր ուժ չունի, այն արձանագրում է ընդամենը որ Միացյալ նահանգների կառավարությունը պետք է պաշտոնապես ճանաչի և ոգեկոչի Հայոց ցեղասպանությունը, չմասնակցի այդ փաստի ժխտմանը և խրախուսի դրա հանրային ըմբռնմանը։
Մինչդեռ շատերը էյֆորիայի ներքո շարունակում էին ցնծալ կատարվածից, նույն օրը երեկոյան Տավուշի սահմանամերձ գյուղերում Ադրբեջանը տարբեր տրամաչափի զենքերից կրակ էր բացել խաղաղ բնակիչների ուղղութմաբ։ Ադրբեջանի կրակոցները հնչել են շատ հատկանշական պահի, Ադրբեջանը դրանով գուցե իր զորակցություն էր հայտնում եղբայր Թուրքիային։ Մյուս կողմից այդ պահին Հայաստանում էր գտնվում ՌԴ պաշտպանության նախարար Սերգեյ Շոյգուն, ով աշխատանքային այցով Բաքու պետք է մեկներ Երևանից։
Առաջին անգամ չէ, որ Ադրբեջանը լկտի վարք է դրսևոում երբ Հայաստան է այցելում որևէ ռուս պաշտոնյա։ Ի տարբերություն Ադրբեջանի ՝ Հայաստանի պաշտպանության նախարարի մամուլի խոսնակը հայտարարել է , որ Ադրբեջանը պատասխան կտա կատարվածի համար, սակայն հայկական կողմի պատասխանը կլինի ԱՊՀ պաշտպանության նախարարների ՝ բաքվում տեղի ունեցող նիստից հետո, ի դեպ Հայաստանի պաշտպանության նախարաը չի մասնակցում այդ հավաքին։
