Ճապոնիայի վարչապետ Սինձո Աբեն հոկտեմբերի 31-ին ներողություն Է խնդրել ճապոնացի ժողովրդից արդարադատության նախարար Կացույուկի Կավայիի պաշտոնաթողության համար: Նախարարների կաբինետի անդամի պաշտոնաթողության համար ներողությունն արդեն երկրորդն Է դարձել անցած շաբաթվա ընթացքում. ավելի վաղ սկանդալի պատճառով պաշտոնաթողություն Էր խնդրել երկրի Էկոնոմիկայի, առեւտրի եւ արդյունաբերության նախարար Իսյու Սուգավարան:
«Սա շատ ցավալի իրավիճակ Է: Ես կցանկանայի խորապես ներողություն հայցել ճապոնացի ժողովրդից»,- նշել Է Աբեն իր դիվանատանը լրագրողների հետ կայացած հանդիպմանը: Ավելի վաղ Կավային Ճապոնիայի կառավարության ղեկավարին պաշտոնաթողության խնդրագիր Է ներկայացրել, որը Սինձո Աբեն ստորագրել Է:
Ճապոնիայի արդարադատության նախարարի շուրջ սկանդալը բորբոքվել Է այս շաբաթ, երբ շաբաթահանդեսներից մեկում տեղեկատվություն Է հայտնվել այն մասին, թե նա եւ նրա կինը, որը նաեւ խորհրդարանի վերին պալատի պատգամավոր Է Ճապոնիայի կառավարող Լիբերալ-դեմոկրատական կուսակցությունից, իրենց ընտրարշավի ընթացքում խախտել են օրենսդրությունն իրենց շտաբների միջոցների ոչ նպատակային ծախսման միջոցով: Մասնավորապես, նշվել Է, որ նրանք կրկնակի բարձրացրել են ընտրարշավների վարձու անձնակազմի վճարումները, հաղորդել Է ՏԱՍՍ-ը: