Հրապարակվել են առաջին կադրերը, որտեղ երևում են, թե ինչպես է ընթանում «Իսլամական պետություն» ահաբեկչական կազմակերպության առաջնորդ Աբու Բաքրա ալ-Բաղդադիի ոչնչացման գործողությունը: Այն Twitter-ում ցուցադրել է ԱՄՆ ԶՈՒ Կենտրոնական հրամանատարության ղեկավար Քենեթ Մակքենզին:
Սև-սպիտակ տեսանյութում ցույց է տրված մեծ ցանկապատով պարսպված տարածքը: Ինչպես նշվում է՝ սա ահաբեկիչների առաջնորդի կալվածքն է: Ինչ-որ մի պահի մարդիկ են սկսում մոտենալ ալ-Բաղդադիի տարածքին և շրջափակում են այն:
Մակքենզին մեկնաբանելով տեսանյութն ասում է, որ այս շինությունը գտնվում է Սիրիայի հյուսիս-արևելքում, Իդլիբում:
Նրա խոսքերով՝ կադրերում նաև կրակ է երևում, որը ամերիկյան զինծառայողների վրա բացել են ԻՊ առաջնորդի կողմնակիցները:
Գեներալը նաև նշում է, որ գրոհի ժամանակ ալ-Բաղդադին պայթեցրել է իրեն և իր երկու երեխաներին, այլ ոչ թե երեքին, ինչպես ավելի վաղ գրում էին ԶԼՄ-ները:
