«Սիրիայի դեմոկրատական ուժեր» (ՍԴՈՒ) քրդական խմբավորման ներկայացուցիչները կարող են Սիրիայի կառավարական ուժերի մաս կազմել: Այս մասին գրում է Al-Akhbar թերթը՝ հղում անելով կառավարությունում աղբյուրներին:
Նշվում է, որ սիրիական իշխանությունները ծրագրում են ցրել ՍԴՈՒ-ն, «Ազգային ինքնապաշտպանության ջոկատը» և ոստիկանական գունդը՝ երկրի բանակում և իրավապահ մարմիններում դրանք ներառելու համար: Բացի այդ, ՍԴՈՒ-ի հսկողության տակ գտնվող շրջաններում ցանկանում են վերականգնել պետական մարմինների աշխատանքը, որի կազմին էլ քրդական ինքնավար վարչակազմի աշխատակիցներին առաջարկում են միանալ:
Հոկտեմբերի 29-ին Ռուսաստանի Պաշտպանության նախարարությունը հայտարարեց, որ քրդական ուժերը ժամկետից շուտ լքել են անվտանգության գոտին, որը ստեղծվում է Սիրիայի հյուսիսում՝ Թուրքիայի հետ սահմանի երկայնքով: ՍԴՈՒ-ի ներկայացուցիչները նույնպես զեկուցել են զորքերի դուրսբերման մասին: Նշվեց, որ մինչ այդ իրենց առարկությունները նրանք ակտիվորեն քննարկել են Ռուսաստանի հետ, բայց համաձայնության են եկել խաղաղ նախաձեռնության շուրջ: