Թուրքիայի նախագահ Ռեջեփ Թայիփ Էրդողանը հայտարարել է, որ իր երկիրը կարող է ինքնուրույն գործողություն սկսել Սիրիայում, եթե քրդական զինված կազմավորումները 30 կիլոմետրով հետ չքաշվեն թուրք- սիրիական սահմանից: Այս մասին հաղորդել է «Անադոլու» գործակալությունը:
«Մենք մեզ իրավունք ենք վերապահում Սիրիայում վերսկսելու ռազմական գործողությունը, եթե ահաբեկիչները 30 կիլոմետր տարածությամբ մոտենան Թուրքիայի սահմանին կամ շարունակեն գրոհները Սիրիայի ցանկացած այլ շրջանից»,- ասել է Թուրքիայի նախագահը:
Նա հայտարարել է, որ Թուրքիան և Ռուսաստանը նոյեմբերի 1-ին համատեղ պարեկություն կանեն Սիրիայի հյուսիս-արևելքում: «Ուրբաթ օրը մենք սկսում ենք ռուսների հետ համատեղ դաշտային գործողությունը: Այլ կերպ ասած՝ մենք ձեռնամուխ ենք լինում պարեկության»,- մեջբերում է France-Presse գործակալությունը Թուրքիայի նախագահի խոսքը: