Իրազեկիչը, որն ամերիկացիներին օգնել Է գտնել ԻՊ-ի պարագլուխ Բաքր ալ Բաղդադիի հետքը, փոխհատուցում կստանա մինչեւ 25 մլն դոլարի չափով: Այդ մասին գրել Է The Washington Post թերթը՝ վկայակոչելով աղբյուրներ:
«Պաշտոնատար անձանց խոսքով՝ սպասվում Է, որ նա կստանա ամերիկյան պարգեւատրման մի մասը կամ ամբողջ 25 մլն դոլարը, որը նախատեսված Էր ալ Բաղդադիի գլխի համար»,-գրում Է հրատարակությունը: Իրազեկիչի քաղաքացիությունը, ինչպես նաեւ անունը, չի բացահայտվում:
Սակայն թերթի աղբուրներից մեկը հայտնել Է, որ նա սուննի արաբ Է, որը «դեմ Է գնացել ԻՊ-ին, որովհետեւ խմբավորումն սպանել Է նրա ազգականներից մեկին»: Իդլիբում ալ Բաղդադիի վերացման զինված գործողության ժամանակ իրազեկիչը գտնվել Է անմիջապես դրա անցկացման վայրում: Երկու օր անց նրան, իր ընտանիքի անդամների հետ միասին, դուրս են բերել տարածաշրջանից, գրում Է թերթը:
Միացյալ Նահանգների պաշտոնատար անձինք նշել են, որ իրազեկիչի տրամադրած տվյալները հանգուցային դեր են խաղացել գործողության անցկացման ընթացքում: The Washington Post-ի տեղեկատվության համաձայն, այդ մարդն սկզբում եղել Է Սիրիական դեմոկրատական ուժերի (ՍԴՈւ) «կարեւոր գործակալը», իսկ հետագայում սկսել Է աշխատել ամերիկացի զինվորականների համար: ՍԴՈւ-ն ռազմականացված խմբավորում Է, որը բաղկացած Է հիմնականում քրդերից:
Այն համագործակցել Է ԱՄՆ-ի հետ եւ ակտիվ մասնակցություն ունեցել Սիրիայում ԻՊ-ի դեմ պայքարին: Հրատարակությունը նշում Է, որ իրազեկիչը ոչ միայն ստույգ տվյալներ Է տրամադրել ալ Բաղդադիի գտնվելու վայրի վերաբերյալ, այլեւ մանրամասնորեն նկարագրել Է այն համալիրի հարկաբաժինների դասավորությունը թուրքական սահմանի վրա, որտեղ թաքնվել Է ահաբեկիչների պարագլուխը, հաղորդել Է «Ինտերֆաքսը»:
