ԻՊ-ի առաջնորդ Աբու Բաքր ալ-Բաղդադիի ոչնչացման գործողությունը հաջող է ընթացել իրազեկիչի շնորհիվ, որը եղել է նրա մոտ շրջապատից: Այս մասին հայտնում է The Washington Post-ը՝ հղում անելով գործողությանը մոտ կանգնած աղբյուրներին:
Նշվում է, որ ահաբեկչական խմբավորման անդամը, որն օգնել է գործողության ընթացքում, պատասխանատու էր Սիրիայում ալ-Բաղդադիի տեղաշարժը համակարգելու, ինչպես նաև Իդլիբում նրա ապաստարանը կարգի բերելու համար:
Ըստ լրատվամիջոցների տեղեկությունների, իրազեկիչը ԱՄՆ-ի զինվորականներին հայտնել է «Իսլամական պետության» ղեկավարի գտնվելու վայրը, ինչպես նաև հանձնել է նրա ապաստարանի հատակագիծը, որտեղ նա ինքը գտնվել է ոչնչացման գործողության ժամանակ:
Նշվում է, որ Ալ-Բաղդադիի ոչնչացումից երկու օր անց իրազեկիչը և նրա ընտանիքը դուրս են բերվել երկրից: Օգնության համար նրան 25 միլիոն դոլար են տրամադրելու: Պարբերականի տվյալների համաձայն, իրազեկիչի նպատակը միայն ֆինանսական բարեկեցությունը չէր, այլև նաև վրեժը՝ մերձավոր ազգականի սպանության համար: