Նախորդ գումարման ԱԺ պատգամավորները ամսվա մեջ մի քանի անգամ էին աշխատանքի գալիս, դրա պատճառով էլ նրանց չէր հետաքրքրում ԱԺ ավտոկայանատեղիի խնդիրը։ Իսկ հիմա պատգամավորները գալիս են, ու մի քանի պտույտ են անում ԱԺ շենքի շուրջ, մինչև կայանատեղ գտնեն։
Ազգային ժողովում այսօր այսպիսի պնդումներ արեց ԱԺ պատգամավոր Սերգեյ Ատոմյանը։ Նա ԱԺ աշխատակազմի ղեկավար Տիգրան Գալստյանին հարցրեց՝ պատրաստվո՞ւմ են բյուջետային միջոցներ հատկացնել ավտոկայանատեղի ստեղծման համար։
Գալստյանն ասաց, որ ԱԺ տնտեսական մուտքի կողմում աղբ է եղել, դա հավաքել են և ընդլայնել են այնտեղ առկա կայանատեղը, որը, սակայն, դեռ չի բավարարում։
«Ով շուտ եկավ, նա էլ կկանգնի»,- Գալստյանը կատակով ներկայացրեց հիմա գործող սկզբունքը։
