Ազգային ժողովի Պետաիրավական հարցերի ու Ֆինանսավարկային և բյուջետային հարցերի մշտական հանձնաժողովները շարունակում են 2020 թվականի պետական բյուջեի մասին ՀՀ օրենքի նախագծի նախնական քննարկումները։
Նիստը վարող, Պետաիրավական հարցերի մշտական հանձնաժողովի նախագահ Վլադիմիր Վարդանյանը Ֆինանսների նախարար Ատոմ Ջանջուղազյանից հետաքրքրվեց, թե 2020թ․ պետական բյուջեով նախատեսվո՞ւմ է, որ իրավապահ մարմինների աշխատավարձերը բարձրանան։
Ֆինանսների նախարարը կոնկրետ պատասխան չտվեց, միայն ընդգծեց․
«Բացահայտում չեմ անի, եթե ասեմ՝ Դատաիրավական համակարգի բարեփոխումների ռազմավարություն է քննարկվում, և դրա մեջ դիտարկվում են բոլոր գործոնները, որոնք ի վերջո հանգեցնելու են արդյունավետության բարձրացմանը և անհրաժեշտ որակի ծառայությունների գեներացմանը իրավապահ մարմինների կողմից։ Այդ համատեքստում, ենթադրում եմ, որ կքննարկվի նաև աշխատանքի վարձատրության մասը, բայց կոնկրետ այս նախագիծը հիմնված է եղած կարգավորումների վրա»։
