Լուրեր
ԱԺ այդ ընթացակարգը բացեց «Պանդորայի արկղը»․ նույն մեթոդը կարող են կիրառել նաև Վահե Գրիգորյանի նկատմամբ
  • 12:00
  • 2019-10-29
  • Դիտումներ՝ *

Վերջին շրջանում մամուլում, հանրային-քաղաքական քննարկման առարկա է դարձել Սահմանադրական դատարանի ընտրված դատավոր Վահե Գրիգորյանի կողմից ՍԴ աշխատանքներին չմասնակցելու, միևնույն ժամանակ աշխատավարձ ստանալու, ծառայողական մեքենայից օգտվելու հանգամանքը: Այս առիթով Ազգային ժողովի «Բարգավաճ Հայաստան» խմբակցությունը և մի շարք այլ պատգամավորներ քննարկում են այդ հիմքով Վահե Գրիգորյանի լիազորությունները դադարեցնելու նպատակահարմարության հարցը:

Ամիսներ առաջ, երբ Վահե Գրիգորյանն ընտրվեց ՍԴ դատավոր, նամակով դիմեց բոլոր սահմանադրական մարմիններին, այդ թվում՝ Ազգային ժողովին, որով նա հիմնավորում էր Սահմանադրական դատարանի ոչ լեգիտիմ լինելու հանգամանքը։ Այս հանգամանքով հիմնավորվա՞ծ չէ նրա կողմից ՍԴ աշխատանքներին չմասնակցելու որոշումը․ «Առաջին լրատվական»-ի հարցին Հելսինկյան քաղաքացիական ասամբլեայի Վանաձորի գրասենյակի նախագահ Արթուր Սաքունցը պատասխանեց․ «Այն հարցը, որ դուք տալիս եք, այդ հարցը գոյություն ուներ նաև այն ժամանակ, երբ Վահե Գրիգորյանին առաջադրում էին ՍԴ անդամ։ Հիմա ի՞նչ է փոխվել, ոչինչ։ Սահմանադրական դատարանի հետ կապված ճգնաժամն ի սկզբանե գոյություն է ունեցել՝ անկախ նրանից՝ Վահե Գրիգորյանը կառաջադրվե՞ր, թե՞ ոչ։ Սահմանադրական դատարանի ոչ միայն ամբողջ պատմությունը, այլ հենց 2015 թվականին, երբ այդ Սահմանադրությունը մեզ պարտադրվեց Սերժ Սարգսյանի կողմից, և Հրայր Թովմասյանին ընտրեցին ՍԴ նախագահ, Սահմանադրության հետ կապված հարցերը օրակարգում էին։

Հիմա ինչո՞ւ բարձրացավ այդ հարցը։ Շատ պարզ պատճառով։ Երբ Ազգային ժողովը որոշում կայացրեց դիմել Սահմանադրական դատարանին՝ Հրայր Թովմասյանի լիազորությունները դադարեցնելու հարցով։ Ազգային ժողովի այդ ընթացակարգը, կարծես թե բացեց այդ Պանդորայի արկղը, և օրինակ ցույց տվեց, որ կարող են նաև նույն մեթոդը կիրառել այլ անձանց նկատմամբ։ Այս դեպքում արդեն կոնկրետ Վահե Գրիգորյանի նկատմամբ»։

 

Մանրամասները՝ տեսանյութում։

  • Դիտումներ՝ *