Լուրեր
Արտաքին հարաբերություններում ուժի լեզուն է աշխատում. պետք է մեր շահերը վերցնենք ու գնանք առաջ
  • 12:30
  • 2019-10-29
  • Դիտումներ՝ *

Պետք է հաշվի առնել, որ Զոհրաբ Մնացականյանը BBC-ի լրագրողի կողմից հնչեցրած հարցերին պատասխանել է որպես պրոֆեսիոնալ դիվանագետ, ինչ վերաբերում է Արցախի հիմնահարցին, ապա այս համատեքստում կարմիր թելի նման անցավ այն թեզը, որ խաղաղությունը չի կարող միակողմանի լինել, հնչեցին նաև թեզեր անվտանգության ու կարգավիճակի վերաբերյալ: Այդ մասին «Առաջին լրատվական»-ի հետ զրույցում ասաց ԱԺ «Իմ Քայլը» խմբակցության պատգամավոր Տաթևիկ Հայրապետյանը՝ անդրադառնալով Հայաստանի արտգործնախարար Զոհրաբ Մնացականյանի՝ BBC հեռուստաընկերությանը տված հարցազրույցին, որը բուռն քննարկման թեմա է դարձել վերջին օրերին:

«Մարդկային զարգացման միջազգային» կենտրոն ՀԿ նախագահ Թևան Պողոսյանն իր հերթին հարցը դիտարկեց ապագայի համատեքստում՝ ինչ պետք է անել, որ չհայտնվենք նման իրավիճակներում: «Հողը ուժով են պահում, շահերն ուժով են առաջ տանում, դա է այսօր գործում, պետք է մի բան գիտակցենք, որ միջազգային հարաբերություններում չկա ժողովրդավարություն, չժողովրդավարությունը… կարևորը շահերն են, մեր շահերը պաշտպանելու համար պետք է միասնականություն բոլոր մարտահրավերներին դիմակայելու»:

Քաղաքագետ Ռոբերտ Ղևոնդյանն էլ կարծում է, որ քննադատությունների նպատակն է աջակցել Հայաստանի արտգործնախարարին: «Գտնում եմ, որ BBC-ի հարցազրույցում տնային աշխատանքի մասն էր կաղում մեզ մոտ, պարոն Մնացականյանը հիմնավորումներ անում էր, բայց հուզմունք կար: Կարծում եմ, որ պրոֆեսիոնալ դիվանագետը պետք է կարողանա զսպել իր զգացմունքները»:

 

Առավել մանրամասն՝ տեսանյութում:

 

 

  • Դիտումներ՝ *