Իրանի ԱԳ նախարարության պաշտոնական ներկայացուցիչ Աբաս Մուսավին հոկտեմբերի 28-ին հայտարարել է, որ ԱՄՆ-ը ԴԱԻՇ ահաբեկչական խմբավորման պարագլուխ Աբու Բաքր ալ Բաղդադիին ոչնչացրել է «պիտանելիության ժամկետի լրանալու» պատճառով՝ տեղեկացնում է RIA Novosti-ն:
«Բոլորն էլ տեղյակ են, որ ԴԱԻՇ-ը և Աբու Բաքի ալ Բաղդադին, ինչպես և նրանք, ովքեր գլխավորում են ահաբեկչական խմբավորումները, որոնք, իրենց իսկ խոստովանությամբ, ստեղծվել են ամերիկացիների կողմից, ունեն «պիտանելիության ժամկետ»,- ասել է Մուսավին IRIB իրանական պետական հեռուստառադիոընկերությանը:
«Հենց որ լրանում է այդ խմբավորումների «պիտանելիության ժամկետը», դրանք վերացվում են»,- հավելել է Իրանի ԱԳՆ-ի պաշտոնական ներկայացուցիչը:
Նա նաև ԴԱԻՇ-ի պարագլխի վերացման փաստը կապել է ԱՄՆ-ում մոտալուտ նախագահական ընտրությունների հետ: