Ռուսաստանցիների մեծամասնությունը խոստովանել է, որ Միացյալ Նահանգները թշնամական երկիր է համարում: Այս մասին են վկայում Հասարակական կարծիքի ուսումնասիրման համառուսաստանյան կենտրոնի հարցումների տվյալները:
Հատկանշական է, որ 2019-ին նման կարծիքի են եղել հարցված քաղաքացիների 67 %-ը: Սակայն, այս թվերը դրական միտում են ցույց տալիս, քանի որ 2018-ին ամերիկյան կողմի թշնամական լինելու մասին խոսում էր ռուսաստանցիների 75 %-ը:
«Ռուսները նախկինի նման կարծում են, որ Ռուսաստանն առավել լարված հարաբերություններ ունի ԱՄՆ-ի հետ»,- ընդգծվում է ուսումնասիրության մեջ:
Հետազոտության արդյունքում պարզվել է նաև, որ քաղաքացիների կեսից ավելին Ռուսաստանի և Ուկրաինայի հարաբերությունները լարված են անվանել: Նման կարծիք են հայտնել հարվածների 53 %-ը:
Հստակեցվում է, որ ռուսաստանցիների հեռախոսային հարցումն անցկացվել է օգոստոսին: Դրան մասնակցել են 18 տարեկանից բարձր տարիքի շուրջ 1.6 հազար բնակիչներ:
