Ռուսաստանում բնակարան ձեռք բերած օտարերկրյա քաղաքացիներին որոշել են թույլ տալ այդտեղ գրանցել իրենց հարազատներին կամ հայրենակիցներին:
Համապատասխան օրինագիծը Պետդումա է ներկայացվել Ռուսաստանի կառավարության կողմից:
Օրինագծի բացատրական գրության մեջ նշվում է, որ այժմ օտարերկրյա քաղաքացիները կարող են գրանցվել Ռուսաստանում ձեռք բերած անշարժ գույքի քառակուսի մետրերում: Ներկայումս ընտանիքի անդամներին գրանցել թույլատրվում է միայն բարձր որակավորում ունեցող մասնագետներին: Ըստ Ռուսաստանի կառավարության, սա սահմանափակում է Ռուսաստանում անշարժ գույք ունեցող օտարերկրացիների իրավունքները:
Օրինագծով առաջարկվում է Ռուսաստանում բնակարան գնած ցանկացած մասնագիտության տեր օտարերկրացիներին ույլ տալ այդտեղ գրանցել ոչ միայն հարազատներին, այլև ցանկացած օտարերկրյա քաղաքացիների և քաղաքացիություն չունեցող անձանց՝ գործընկերների, ծանոթների և այլն: Նախապայման կլինի այդ անձանց մշտական բնակությունը գրանցման վայրում, հակառակ դեպքում ընդունող կողմը կարող է ներգրավվել օտարերկրյա քաղաքացիների կեղծ գրանցման մեջ: