Անգլուհին իմացել է, որ տառապում է կրծքագեղձի քաղցկեղով այն բանից հետո, երբ այցելել է Շոտլանդիայի «Օբսքուրա Կամերա և պատրանքների աշխարհ» (Camera Obscura and World of Illusions) թանգարան, հայտնում է Daily Mirror պարբերականը:
41-ամյա Բալ Ջիլն ընտանիքի հետ թանգարանում շրջելիս հայտնվել է սենյակում, որտեղ ջերմատեսողական խցիկ է տեղադրված եղել, և որի վրա նրանք որոշել են լուսանկարվել: Լուսանկարներում կինն իր կրծքավանդակի վրա կասկածելի բիծ է նկատել:
«Մենք համոզվեցինք, որ ուրիշների մոտ նման բան չկա: Մեզ դա տարօրինակ թվաց: Ես լուսանկարվեցի էկրանին և շարունակեցի շրջել թանգարանի մնացած հատվածում»,- ասել է նա:
Մի քանի օր անց կինը հիշել է լուսանկարի մասին և որոշել բծի բացատրությունը փնտրել համացանցում: Դրանից հետո նա գնացել է հիվանդանոց, և նրա մոտ վաղ փուլում քաղցկեղ է ախտորոշվել:
Անգլուհին արդեն երկու վիրահատության է ենթարկվել և պատրաստվում է երրորդին:
Woman didn't know she had breast cancer until thermal imaging photo at museum https://t.co/COK1T4HF0z pic.twitter.com/16VzSeFRk3
— Daily Mirror (@DailyMirror) October 23, 2019
