Այսօր՝ հոկտեմբերի 23-ին, Ազգային ժողով-Կառավարություն հարցուպատասխանի ժամանակ «Իմ քայլը» խմբակցության պատգամավոր Հովհաննես Հովհաննիսյանը, հղում անելով մամուլի հրապարակումներին, ասաց, որ Հոկտեմբերի 27-ի ոճրագործը դիմել է վաղաժամկետ ազատ արձակման հարցով. «Ինչի՞ հետ է կապված սա՝ 20 տարվա ժամկետը լրանալու հե՞տ, թե՞ քաղաքական դրդապատճառներ կան դրա տակ»:
Ի պատասխան՝ արդարադատության նախարարն ասաց, որ 20 տարվա ժամկետը լրանալուց հետո դատապարտյալը իրավական հնարավորություն է ստանում դիմելու պայմանական վաղաժամկետ հարցի քննարկման համար. «Այս դեպքում քրեակատարողական ծառայությունը տվել է բացասական եզրակացություն, կարծում եմ՝ նույն կերպ կվարվի պռոբացիոն ծառայությունը: Կարծում եմ՝ ելքը պարզ է»:
Մանրամասները՝ տեսանյութում:
