Այսօր՝ հոկտեմբերի 22-ին, Ազգային ժողովում հայտարարությունների ժամին «Բարգավաճ Հայաստան» խմբակցության պատգամավոր Գևորգ Պետրոսյանը անդրադարձավ գիշերօթիկ դպրոցների լուծարման խնդրին:
«Ո՞վ է այն մոլորյալը, որ կարծում է, թե գիշերօթիկը գիշերը մնալու տեղ է. այսօր մեր ազգի շատ արժանավոր ներկայացուցիչներ այդ գիշերօթիկների, մանկատների սաներն են: Գիշերօթիկում մարդը կրթվում է: Ո՞ւմ են հարցրել, որ ձեռքի մի շարժումով լուծարում են գիշերօթիկները: Մարդ կա՞, որ գիտի՝ ինչ են նախատեսում: Եթե գիտեք՝ ասեք»:
Նրա խոսքով՝ պատգամավորները տեղյակ չեն, թե այդ երեխաների ճակատագիրն ինչ է լինելու. «Եկեք կանխենք այդ հաստատությունների կործանումը: Մի՞թե կարելի է այդպիսի կարևոր խնդիրը ասեկոսեների մակարդակով լուծել: Սոցապ նախարարը պիտի գար ԱԺ զեկուցեր, թե ինչ է սպասում այդ գիշերօթիկների երեխաներին»:
Մանրամասները՝ տեսանյութում:
