Ռուսական Sports.ru կայքը ներկայացրել է եվրոպական երկրների առաջնություններում հանդես եկող ամենարդյունավետ 8 պաշտպանների ցուցակը: Լավագույնների ցուցակը ներկայացնում ենք ձեր ուշադրությանը.
8. Ռոբերտ Ռոդրիգես – «Վոլֆսբուրգ»
Շվեյցարացի եզրափային պաշտպանը Բունդեսլիգայի այս մրցաշրջանում դարձել է 5 գոլի հեղինակ: Բացի, այդ ֆուտբոլիստ աչքի է ընկնում իր անցումներով, ինչի արդյունքում իր հաշվին գրանցել է 7 գոլային փոխանցում:
7. Սթիվեն Կոլկեր – «Քարդիֆ Սիթի»
Ուելսի մայրաքաղաքը ներկայացնող թիմի կենտրոնական պաշտպանը Անգլիայի ընթացիկ առաջնությունում դարձել է 5 գոլի հեղինակ, որոնցից մեկը հաղթական է եղել «Սուոնսի»-ի դեմ ուելսյան դերբիում:
6. Լևեն Կուրզավա – «Մոնակո»
Կուրզավայի ակտիվում գրանցված է 5 գոլ: Եվս մեկ եզրային պաշտպան, ով աչքի է ընկնում եզրով կատարած իր անցումներով:
5. Սերժ Օրյե – «Թուլուզ»
Երիտասարդ ֆուտբոլիստի հաշվին գրանցաված է 5 գոլ: Օրյեն Ֆրանսիայի առաջնության ամենատաղանդավոր պաշտպաններից է, ով միաժամանակ խաղում է և՛ կենտրոնում, և՛ աջ եզրում:
4. Յուտո Նագատոմո – «Ինտեր»
Ճապոնացին Ա սերիայի ընթացիկ առաջնությունում դարձել է 5 գոլի և 4 գոլային փոխանցման հեղինակ: Նագատոմոն հաճախ խաղում է նաև կիսապաշտպանությունում, բայց դրանից նրա արդյունավետությունը չի տուժում:
3. Մեհդի Բենատիա – «Ռոմա»
Մարոկկացի ֆուտբոլիստը նույնպես դարձել է 5 գոլի հեղինակ: Առանց Բենատիայի այժմ դժվար է պատկերացնել «Ռոմա»-ի պաշտպանական գիծը: Բենատիան թիմի 5-րդ լավագույն ռմբարկուն է:
2. Շեյմուս Կոուլմեն – «Էվերթոն»
Կոուլմենը Պրեմիեր լիգայի ընթացիկ խաղարկությունում դարձել է 6 գոլի հեղինակ: Նա այս մրցաշրջանում «Էվերթոն»-ի լավագույն ֆուտբոլիստներից է:
1. Մարտին Շկրտել – «Լիվերպուլ»
Սլովակ պաշտպանը Եվրոպայի ամենարդյունավետ պաշտպանն է: Շկրտելը Անգլիայի ընթացիկ առաջնությունում դարձել է 6 գոլի հեղինակ: Բացի դրանից Շկրտելը 3 գնաակ ուղարկել է նաև սեփական դարպասը: