Բրիտանացի դերասանուհի Կիրա Նայթլին պատմել է, որ մի անգամ նյարդերը տեղի են տվել պապարացիների հետապնդման պատճառով, հաղորդում է The Telegraph-ը:
Աստղը պատմել է, որ դա պատահել է, երբ նա 22 տարեկան էր. «Այդ ժամանակ ցանկացած հայտնի կնոջ լուսանկարներն ավելի պահանջված էին դառնում, եթե դրանք բացասական բնույթի էին: Հետևաբար, եթե դուք հոգեկան խանգարում չունեիք, միևնույնն է նրանք փորձում էին ձեզ ստիպել անել այնպիսի բաներ, որ ձեր մասնակցությամբ նյութերն նույնքան արժեքավոր դառնային, որքան նման խնդիրներ ունեցողների վերաբերյալ նյութերը»:
Նա հիշել է, որ մի անգամ իր մեքենան դուրս են մղել ճանապարհից, որից հետո նա սպառնացել է լուսանկարիչներին, որ կսպանի ինչ-որ մեկին: Նրանք պատասխանել էին, որ այդ դեպքում նրանք ավելի շատ գումար կվաստակեն: Դերասանուհին նշել է, որ «Կարիբյան ծովի ծովահեններից» հետո նա մի քանի տարի չի նկարահանվել ֆիլմերում, և վերադառնալուց հետո չի ցանկացել աշխատել բարձր բյուջեով նախագծերում, քանի որ չի կարողացել հաղթահարել դրանց բերած հանրաճանաչությունը: