Հայտնի դարձավ, որ Ծաղկաձորում կեղծ աճուրդով 51 հեկտար հողատարածք իրացնելու գործով անցնող Կոտայքի նախկին մարզպետն ու Հրազդանի նախկին քաղաքապետը չեն պատժվի, քանի որ ՀՔԾ-ն կարճել է վարույթը՝ արարքի վաղեմության ժամկետն անցած լինելու հիմքով։
Ինչպիսի՞ն են ձեր դիտարկումները ՀՔԾ որոշման վերաբերյալ․ «Առաջին լրատվական»-ի հարցին Կոտայքի մարզպետ Ռոմանոս Պետրոսյանը պատասխանեց․ «Անշուշտ, կարծես թե, գերի ենք մնացել սահմանադրորեն ամրագրված սեփականության անձեռնմխելիության նորմին։ Ակնհայտ էր, որ հստակ կար պաշտոնական դիրքի չարաշահում՝ պաշտոնական կեղծիքներ, մի շարք հոդվածներ, որոնց կիրառմամբ միայն Ծաղկաձորում է 51 հեկտար, այդ գործով շուրջ 106 հեկտարի մասին է խոսքը: Մի շարք նախկին բարձրաստիճան պաշտոնյաներ նույնպես անցնում են այդ քրգործով՝ նախկին տարածքային կառավարման նախարար, Կադաստրի ղեկավար և այլն։ Բայց նրանց նկատմամբ քրգործը կարճվել է հանցակազմի բացակայության պատճառով։ Իսկ Կոտայքի նախկին մարզպետի ու Հրազդանի նախկին քաղաքապետի մասով գործը կարճվել է վաղեմության ժամկետն անցած լինելու հիմքով, և տվյալ անձանց նկատմամբ քրեական հետապնդումը դադարեցվել է։
Սակայն ինձ համար ցավալի մի արձանագրում անեմ՝ բոլոր դեպքերում այդ հողերը վերադարձի ենթակա են միայն դատական կարգով։ Այսինքն՝ համայնքն ու դատախազությունը պետք է այդ փաթեթով մտնեն դատարան և միայն դատական վճռով դրանք վերադարձվեն համայնքին»։
Մանրամասները՝ տեսանյութում։
