Նոր Զելանդիայի պաշտպանության ուժերը փոփոխություններ են կատարել անձնական հիգիենայի և աշխատակիցների, այդ թվում տղամարդկանց, արտաքին տեսքի վերաբերյալ կանոններում, հայտնում է Daily Mail-ը: Նոր կանոններն ուժի մեջ կմտնեն նոյեմբերի 1-ից:
Այդ օրվանից աշխատակիցները կկարողանան զուսպ դիմահարդարում անել, ներկել եղունգները թափանցիկ և բաց գույնի լաքով, ինչպես նաև կեղծ թարթիչներ կրել: Բացի այդ, նրանց կթույլատրվի նաև օծանելիք և օդեկոլոն օգտագործել: Այնուամենայնիվ, չի հանվի պիրսինգի, ինչպես նաև անսովոր սանրվածքների արգելքը:
Կոնտր-ծովակալ Դեվիդ Պրոկտորը նշել է, որ այդ փոփոխություններով ռազմական ղեկավարությունը ցանկանում է ցույց տալ, որ անձնական հիգիենայի և արտաքին տեսքի առումով տղամարդկանց և կանանց միջև տարբերություններ չկան:
