Երուսաղեմում տարածքների անբավարարության պատճառով վերականգնել են ստորգետնյա դամբարանադաշտերի հնագույն ավանդույթը՝ վերելակներով, LED լուսավորությամբ և գոլֆի սայլերով, գրում է The Guardian-ը:
Երուսաղեմի իշխանությունները պատրաստվում են մինչև ամսվա վերջ բացել առաջին ստորգետնյա դամբարանադաշտը:
Շինությունը կառուցվել է նորագույն տեխնոլոգիայով, հագեցած է վերելակներով, լավ մտածված օդափոխության և լուսավորության համակարգով և նույնիսկ գոլֆի սայլերով՝ տեղաշարժվելու հետ կապված խնդիրներ ունեցող այցելուների համար:
Միևնույն ժամանակ, ստորգետնյա թաղման պրակտիկան համապատասխանում է շրջանի հնագույն ավանդույթներին: Նախագիծը, որն իրականացվել է շինարարական ընկերություններից մեկի կողմից, նախատեսված է 23.000 հանգուցյալի համար և բավարարում է կրոնական խիստ պահանջները:
Երուսաղեմում և ամբողջ Իսրայելում որոշ գերեզմանատներ հրաժարվում են տեղեր հատկացնել նոր թաղումների համար՝ տարածքի բացակայության պատճառով: