Ռեփեր Snoop Dog-ը մարիխուանայով գլանակ փաթաթող պրոֆեսիոնալ է վարձել: Այս մասին նա հայտարարել է Howard Stern-ի ռադիոշոուի եթերում:
Երաժիշտն աշխատողին տարեկան 40-50 հազար դոլար է վճարում, իսկ «բոնուսը»՝ մարիխուանայի անսահմանափակ հասանելությունն է:
Դրա համար մասնագետը մշտապես շրջում է հիփ-հոփ կատարողի հետ համերգային շրջագայությունների ժամանակ:
Snoop Dog-ը նշել է, որ աշխատողի պրոֆեսիոնալիզմը կայանում է նրանում, որ նա աչքերից հասկանում է, երբ կարող է գլանակն անհրաժեշտ լինել և անմիջապես այն մատուցում է: «Եթե դու հիանալի ես կատարում այն, ինչ ինձ հարկավոր է, ես քեզ վարձում եմ»,- հավելել է նա:
Մարտ ամսին հայտնի դարձավ, որ դերասան Մեթյու Մաքքոնահին «The Beach Bum» ֆիլմի նկարահանումների ժամանակ պատահաբար օգտագործել է Snoop Dog-ին պատկանող մարիխուանան: Դրանից հետո դերասանը 13 ժամ ռեփ է կարդացել: