Լուրեր
Ամուսնուս հետ սեռական հարաբերության ժամանակ չեմ «հանգստանում», իսկ իրեն դա չի հուզում ընդհանրապես… (18+)

Եթե Ձեզ տանջում են հարցեր՝ կապված անկողնային կյանքի հետ, կարող եք հետևել «Սեռական հոլովին» և բժիշկ-սեքսապաթոլոգ Վրեժ Շահրամանյանի օգնությամբ գտնել դրանց պատասխանը:

Սեռական կյանքը կեղծիք չի սիրում. առօրյայում թե սեռական կյանքում սուտը տեղ չունի: Մեր հյուրը, ներկայացնելով իր խնդիրը, նշեց, որ թեև իր ամուսինը շատ կրքոտ է և նրա հետ սեռական հարաբերությունները հաճախակի են, սակայն օրգազմ չի ապրում, և ձևացնում է, թե հարաբերությունից հաճույք է ստանում, որպեսզի չկորցնի ամուսնուն:

Բժշկի դիտարկմամբ՝ սեռական հարաբերությունն այս դեպքում կնոջ համար կարծես թե դառնում է պրոֆիլակտիկ միջոցառում, որպեսզի կանխվի ամուսնու դավաճանությունը. «Կեղծիքն աստիճանաբար կարող է քայքայել միջանձնային հարաբերությունները: Մեծ ճիգեր են գործադրվում և շատ էներգիա է սպառվում՝ այդ դերը խաղաղալով: Յուրաքանչյուր այդպիսի հարաբերություն տխուր ավարտ է ունենում՝ դատարկության և նվաստացածության զգացումով: Կեղծիքը վաղ թե ուշ բացահայտվում է: Օր առաջ պետք է հրաժարվել կեղծիքից՝ առաջին հերթին զրուցելով ամուսնու հետ: Բացատրե՛ք իրավճակը, վստահ եմ՝ սիրող ամուսինը կհասկանա և ճիշտ կգնահատի իրավիճակը… »:

Սեռական ֆունկցիան միակ զույգային ֆունկցիան է օրգանիզմում և ցանկացած խնդիր, որը մտահոգում է կնոջը, ժամանակի ընթացքում սկսում է անհանգստացնել նաև տղամարդուն: Անկողնային կյանքը պետք է վայելել երկուսով, և կեղծիքն այնտեղ չպետք է տեղ գտնի:

Մանրամասն՝ տեսանյութում:

  • Դիտումներ՝ *