Կասկադի հարթակից մայիսի 28-ին իրեն ցած նետած 16-ամյա Տաթևիկ Սերոբյանի ինքնասպանության փաստի վերաբերյալ ոստիկանության Արաբկիրի բաժնում շարունակվում է գործի նախաքննությունը:
Հիշեցենք, որ ինքնասպանության ամենահավանական վարկածի համաձայն՝ նրա եղբայրը 16-ամյա Տաթևիկի վրա ղումար էր խաղացել և տարվել: Իսկ խոսքն ընդամենը 100 հազար դրամ գումարի մասին էր: Արդյունքում քույրը դիմել է ինքնասպանության:
Այսօր ֆոտոլրագրող Գագիկ Շամշյանից տեղեկացանք, որ քրոջ ինքնասպանությունից հետո Վիգենը ևս Թալինում դիմել է ինքնասպանության, սակայն հաջողվել է ինքնասպանության փորձը կանխել: Ի դեպ, Տաթևիկն ու Վիգենը մեկ մորից են և տարբեր հայրերից: Գործը գտնվում է նախաքննության փուլում, ուստի գործի ընթացքին չվնասելու համար այլ մանրամասներ չենք հաղորդում:
