«ՏՏ ոլորտը Հայաստանում շատ արագ է զարգանում: Դեռևս խորհրդային շրջանում հայերը մեծ ներդրում են ունեցել միջազգային նորարարությունների ոլորտում, և այսօր էլ Հայաստանում իրականացվող շատ ծրագրեր կան՝ «Թումո կենտրոն», «Քոաֆ սմարթ» և այլն, որոնք ոչ միայն վկայում են անցյալի մեծ հաղթանակների մասին, այլ նաև մեր երկրի վաղվա նկարագիրն են տալիս»,- այս մասին «Առաջին լրատվական»-ի հետ զրույցում ասաց «ՓիքսԱրթ» հավելվածի կորպորատիվ կապերի ղեկավար Մադլեն Մինասսիանը: Նրա կարծիքով՝ «ՓիքսԱրթը» կտա այնպիսի էֆեկտ, ինչպիսին ժամանակին «Սկայպն» ունեցավ:
Մադլեն Մինասսիանի կարծիքով՝ «WCIT 2019» ՏՏ համաշխարհային համաժողովի Հայաստանում անցկացնելը հսկայական նշանակություն կունենա, որի արդյունքները տարիներ հետո ի հայտ կգան: «Պետք է մեր գործերով հանձն առնենք աշխարհի ուշադրությունը պահել մեր պրոդուկտի և այդ միջոցով նաև Հայաստանի վրա»,- նշեց մեր զրուցակիցը՝ հավելելով, որ Հայաստանի մասին արդեն ՏՏ ոլորտի հայտնի դեմքերը խոսում են ոգևորությամբ, ակնկալվում են համագործակցություն և լավ նորություններ:
Անդրադառնալով դիտարկմանը, որ, անշուշտ, նորագույն տեխնոլոգիաները բավականին հեշտացնում են կյանքը, բայց միևնույն ժամանակ նաև նոր խնդիրներ են առաջացնում, որոնցից մեկը «ֆեյք նյուզ»-երն են, Մադլեն Մինասսիանը կարծիք հայտնեց, որ արհեստական բանականությունը լուծելու է «ֆեյք նյուզերի» հարցը:
Մանրամասն՝ տեսանութում:
Մանրամասն՝ տեսանյութում: