Լուրեր
Աստված առողջություն տա Քոչարյանին, իսկ Հրայր Թովմասյանը թող սպասի իր դեմ իմ նոր նախագծին. Բաբաջանյան

Ինչպես հայտնի է, Ազգային ժողովի պատգամավոր Արման Բաբաջանյանը ՀՀ գլխավոր դատախազին հաղորդում է ներկայացրել մի խումբ պաշտոնատար անձանց կողմից (այդ թվում՝ Հրայր Թովմասյանի) պետական իշխանություն յուրացնելու առերևույթ հանցագործության դեպքի կապակցությամբ: Հաղորդման հիման վրա ՀՔԾ-ում նախապատրաստված նյութերով որոշում է կայացվել քրեական գործ հարուցել:

Այս գործի շուրջ ընթացիկ զարգացումների վերաբերյալ Արման Բաբաջանյանը «Առաջին լրատվական»-ի հետ զրույցում նշեց. «Պետք է հետևել քննչական գործողություններին և ամեն ինչ անել, որ այդ գործողությունները օրինականության շրջանակներում տեղի ունենան, որպեսզի գործընթացին ուղեկցող մեկնաբանությունները, բնութագրումները որևէ ձևով սխալ ընկալման առիթ չտան և քաղաքական հետապնդման տպավորություն չթողնեն»:

Ինչպես նշեց պատգամավորը՝ նախագծի ճակատագիրը ԱԺ-ում դեռևս անհայտ է: «Ես դեռևս չունեմ «Իմ քայլը» խմբակցության պատասխանը»,- նշեց նա և հավելեց, որ արդեն հաջորդ նախագիծն է պատրաստվում դնել շրջանառության մեջ՝ կապված Հրայր Թովմասյանի՝ վերջերս լրատվամիջոցներից մեկին տված հարցազրույցի քաղաքական բովանդակության հետ. «Այդ բովանդակությունը ուղղակի անհամատեղելի է Սահմանադրական դատարանի անդամի կամ ղեկավարի պաշտոնը զբաղեցնող որևէ մեկի հետ»:

Այնուամենայնիվ, պատգամավորը հեռու է այն մտքից, որ Հրայր Թովմասյանին դուրս դնելով ՍԴ-ից՝ կլուծվի այս դատարանի հարցը. «Այս դատարանը ոճրագործների բանդա է, և մենք պետք է ժամ առաջ ուղղակի արմատախիլ անենք այն և գտնենք նոր դատարանի կազմավորման ճանապարհներ»:

Արման Բաբաջանյանը հույս հայտնեց, որ իրավաքաղաքական գնահատական տալուց և Ազգային ժողովի կողմից իրավական ակտով գնահատելուց հետո Սահմանադրական դատարանի վերջին 20-25 տարիների կայացրած որոշումների լյուստրացիան ԱԺ-ին կդնի պարտադրանքի տակ՝ դիմելու սահմանադրական մարմիններին և առաջարկելու, որ նրանք նոր ՍԴ անդամի թեկնածուներով հանդես գան. «Հույս ունեմ, որ դա հեռու չէ, սակայն դա իմ աշխատանքային օրակարգի մի փոքր մասն է միայն»:

 

Հարցազրույցն ամբողջությամբ՝ տեսանյութում:

  • Դիտումներ՝ *