Բրիտանական դատարանը դատապարտել է Ղազախստանի նախկին նախագահ Նուրսուլթան Նազարբաևի թոռանը։ Այս մասին հաղորդում է BBC-ն:
29-ամյա Աիսուլթան Նազարբաևը մեղավոր է ճանաչվել թմրանյութերի ազդեցության տակ ոստիկանության աշխատակցի վրա հարձակվելու մեջ և դատապարտվել է մեկ տարվա ազատազրկման՝ պայմանական 18 ամիս փորձաշրջանով և 140 ժամ հասարակական աշխատանքով։
Բացի այդ, նրան պարտավորեցրել են շարունակել բուժումը թմրամոլության դեմ, ինչպես նաև վճարել հազար ֆունտ տուգանք և փոխհատուցել 5 հազար ֆունտ պատճառած վնասի համար։