Ատելություն, ատելության խոսք, որն արդեն հասնում է գագաթնակետին։ Ըստ ձեզ՝ ներքաղաքական կյանքն ի՞նչ տեսք ունի այսօր․ «Առաջին լրատվական»-ի հարցին «Ժողովրդավարական համախմբում» նախաձեռնության համակարգող Սուրեն Պետրոսյանը պատասխանեց․ «Տեսեք, այդ ատելության խոսքը վերջին մեկ-երկու ամսում չի ի հայտ եկել, այն առկա է հետհեղափոխական շրջանից։ Սակայն այստեղ պետք չի մեղադրել միայն իշխանությանը, որ ատելության խոսք են սերմանում կամ տարածում, որովհետև ցանկացած հեղափոխություն իր մեջ, բնականաբար, պարունակում է նախորդ վարչակարգի քննադատական խոսք, որը, որպես կանոն, ժամանակի ընթացքում վերածվում է ատելության խոսքի։ Այս երևույթը չի հաղթահարվում միայն այն ժամանակ, երբ պետությունը չի ունենում հանունի ծրագիր։ Այսինքն՝ հեղափոխությունից հետո էլ նոր իշխանությունները շարունակում են մնալ ընդդեմի կոնցեպցիայի մեջ։ Եթե ուշադրություն դարձնեք, ապա կտեսնեք, որ գրեթե բոլոր ուժերը՝ և՛ իշխանական, և՛ խորհրդարանական ու արտախորհրդարանական, ընդդեմի կոնցեպցիայի մեջ են։ Բոլորը դեմ են, և որևիցե մեկն առաջ չի քաշում հանունի կոնցեպցիան, որի շուրջ կարելի է համախմբվել։ Ընդդեմը միշտ քայքայիչ է և բնորոշ է քաղաքական ճգնաժամում գտնվող պետություններին»։
Վիտալի Բալասանյանի հետ կապված, ըստ ձեզ, «ո՞ւմ ծառն է ջրում» նա․ «Առաջին լրատվական»-ի հարցին Սուրեն Պետրոսյանը պատասխանեց․ «Ես չեմ կարող ասել, թե Վիտալի Բալասանյանն «ո՞ւմ ծառն է ջրում», բայց կա մի փաստ, որ ցանկացած գեներալի կամ պետական ծառայողի գործունեությունը պետք է միտված լինի պետությանն ու ազգային անվտանգությանը, այլ ոչ թե դրան հակառակ․ անկախ նրանից՝ դա սեփական շահն է պահանջում, թե կողմնակի անձանց շահը կամ, ընդհանրապես, աշխարհաքաղաքական այլ շահեր։ Պետք է հստակ սահմանվի ազգային և պետական շահը։ Իսկ երբ այն ոչ միայն հստակ չի սահմանվում, այլ նաև զուգակցվում է սեփական շահի հետ, ստանում ենք այսպիսի արդյունք»։
Մանրամասները՝ տեսանյութում։