Մեքսիկական Կուլյական քաղաքում իրավապահներն ազատ են արձակել Գաճաճ մականունով նարկոբարոն Խոակին Գուսմանի որդուն՝ Օվիդիո Գուսմանին՝ քաղաքացիների կյանքը «փրկելու համար»: Այդ մասին հայտնում է Reuters-ը՝ հղում անելով Մեքսիկայի քաղաքացիական անվտանգության և պաշտպանության նախարար Ալֆոնսո Դուրասոյին:
Օվիդիո Գուսմանը ձերբակալությունից անմիջապես հետո ազատ է արձակվել: Նրան կալանավորելուց հետո նարկոկարտելի անդամները հետապնդում են կազմակերպել և փոխհրաձգություն են սկսել Գուսման-կրտսերին ազատելու համար: Ավելի ուշ ավազակները քաղաքի մի շարք փողոցներ են արգելափակել, շրջապատել են շենքը, որտեղ գտնվել է նարկոբարոնի որդին, և կրակ են բացել: Իշխանությունները որոշել են ազատել նրան, որպեսզի խուսափեն զոհերից՝ տեղի բնակիչների շրջանում: Զոհվածների և վիրավորների մասին պաշտոնական տվյալներ չկան:
2017 թ.-ին Խոակին Գուսմանն ամերիկյան իշխանությունների խնդրանքով Մեքսիկայից արտահանձնվել է Միացյալ Նահանգներ: Ավելի ուշ նա մեղավոր է ճանաչվել ներկայացված մեղադրանքի բոլոր կետերով և դատապարտվել է ցմահ բանտարկության: Դատարանը նրան նաև պարտավորեցրել է տուգանք վճարել 12.6 միլիարդ դոլաի չափով: