ԱՄՆ նախագահ Դոնալդ Թրամփի վարչակազմը հաղորդել է, որ 2020-ի հունիսին «Մեծ յոթնյակի» գագաթնաժողովը Թրամփը կանցկացնի Մայամիի մերձակայքում գտնվող իր «Դորալ» գոլֆ ակումբում, հաղորդում է BBC-ին: Սպիտակ տան աշխատակազմի ղեկավար Միկ Մուլվան նշել է, որ գոլֆի ակումբում գագաթնաժողով անցկացնելը չի հակասում ԱՄՆ Սահմանադրությանը, ինչը նախագահին արգելում է շահույթ ստանալ օտարերկրյա կառավարություններից: Նրա խոսքերով, Թրամփը շահույթ չի ստանա այդ միջոցառումից:
National Doral Miami-ն գտնվում է Մայամիի օդանավակայանից 13 կմ հեռավորության վրա: Կանադայի, Ֆրանսիայի, Գերմանիայի, Իտալիայի, Ճապոնիայի, Մեծ Բրիտանիայի և Միացյալ Նահանգների առաջնորդների հանդիպումը նշանակված է 2020-ի հունիսի 10-12-ին:
Ավելի վաղ ԱՄՆ նախագահ Դոնալդ Թրամփը հայտարարել էր, որ անպայման կհրավիրի Ռուսաստանի նախագահ Վլադիմիր Պուտինին G7-ի հաջորդ գագաթնաժողովին՝ չնայած քաղաքական հետևանքներին: Ռուսաստանը G8-ից արտաքսվեց 2014-ին՝ Ղրիմի բռնակցումից և Դոնբասում պատերազմ սկսելուց հետո: Այժմ «Մեծ յոթնյակը» ներառում է Միացյալ Նահանգները, Կանադան, Մեծ Բրիտանիան, Գերմանիան, Ֆրանսիան, Իտալիան և Ճապոնիան: